Axborot resurslari – axborot tizimi tarkibidagi elektron shakldagi axborot, ma’lumotlar banki, ma’lumotlar ombori;

Axborot resurslari va axborot tizimlari egasi – axborot resurslari yoki axborot tizimlariga egalik qilishni, ulardan foydalanishni va ularni tasarruf etishni amalga oshiruvchi yuridik yoki jismoniy shaxslar;

Ochiq ma’lumotlar – Internet tarmog’ida erkin, bepul va takroran foydalanish uchun inson tomonidan o’zgartirilmagan holda qayta ishlov berish imkoniyatini beradigan shaklda (mashina o’qiydigan) tizimlashtirilgan ma’lumotlar;

Ochiq ma’lumotlar reestri – zarur ochiq ma’lumotlar to’plamiga giper havolalarni ham o’z ichiga olgan, avtomat tarzda ochiq ma’lumotlar to’plamini izlash va ushbu ma’lumotlarni olish maqsadida yaratilgan ochiq ma’lumotlar ro’yxati;

Ochiq ma’lumotlar formati – ma’lumotlarni mashina o’qiydigan ko’rinishda ochib berish formatlari (XML, CSV, JSON, RDF, va boshqalar);

CSV – (Comma-Separated Values - vergullar bilan ajratilgan qiymatlar) jadval ko’rinishida ma’lumotlarni taqdim etishga mo’ljallangan matn formati. Faylning har bir qatori - jadvalning bitta qatori. Ustunlardagi ma’lumotlar tizimda belgilangan simvollar (delimiter)  – vergul (,), nuqta-vergul (;) yoki tabulyatsiya simvoli bilan ajratib turiladi;

HTML+Microdata – HTML tili elementlaridan foydalangan holda ma’lumotlarni semantik belgilash usullari yig’indisi. Brauzerdan foydalangan xolda hujjatlarni ko’rish imkoniyati beriladi;

JSON – (JavaScript Object Notation) - JavaScript ga asoslangan ma’lumot almashinuvining matn formati. JSON ni odam oson o’qiy oladi;

XML – (eXtensible Markup Language — kengayuvchi teglash tili ) — Butunjahon o’rgimchak to’ri Konsorsiumi tomonidan tavsiya etiladigan tenglash tili (W3C). XML texnik hujjatlarida XML -hujjatlari hamda XML -protsessorlari (XML-hujjatlarini o’quvchi hamda ularning mazmunidan foydalanish imkonini beruvchi dasturlar)ning ishlashi haqida tushuntirib o’tiladi.

Portal operatori - Caytni yuritishga mas’ul bo’lgan, shuningdek saytdagi ma’lumotlarga ishlov beradigan yuridik shaxs Ochiq ma’lumotlarni taqdim etuvchi – Saytda joylashtirish uchun Sayt operatoriga ochiq ma’lumotlarni taqdim etuvchi davlat organi;

Foydalanuvchi – Saytda ro’yxatdan o’tgan holda Saytdagi ochiq ma’lumotlardan foydalanuvchi jismoniy yoki yuridik shaxs.